عدنان احمد
عضو نشيط
 عدد الرسائل : 69
العمر : 35
مزاجي : 
المهنه : 
عالم دولتي : 
تاريخ التسجيل : 08/04/2008
 |  موضوع: هما مين و احنا مين للشاعر الكبير احمد فؤاد نجم  الخميس أبريل 24, 2008 9:35 pm | |
| هما مين واحنا مين
هما الامر والسلاطين
هما المال والحكم معاهم
واحنا فقرا ومحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه.. طبعاً
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
حزر فزر شغل مخك
شوف مين فينا بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
هم بياكلوا حمام وفراخ
واحنا الفول دوّخنا وداخ
هم بيمشوا بطيارات
واحنا نموت في الأوتوبيسات
هم حياتهم تمضي جميلة
هم فصيلة واحنا فصيلة
حادي يا بادي يا عبد الهادي
راح تفهم قصد الغنوة دي
لمّا الشعب يقوم وينادي
يا احنا يا هم في الدنيا دي
حزر فزر شغل مخك
شوف مين فينا حيغلب مين!!! | |
|
ام محمد
عضو ذهبي
 عدد الرسائل : 76
العمر : 56
الموقع : http://www.jeel3.com
العمل/الترفيه : اعظم مهنة للمرأة
مزاجي : 
عالم دولتي :
تاريخ التسجيل : 30/03/2008
| | موضوع: رد: هما مين و احنا مين للشاعر الكبير احمد فؤاد نجم الجمعة أبريل 25, 2008 2:19 pm | |
|
عمر الامرا والسلاطين
مها يكون من غيرنا بنادمين
احنا الاصل ليوم الدين
حتى لو كنا معدومين
احنا حضاره اصل ودين
احنا ولاد المصريين المؤمنين
هما دسيسة مأجورين
احنا اصول محكومين
لكن بكره كله لينا لاننا مؤمنين
شفت يا سيدى احنا مين وهما مين
رائع ومميز يا عدنان لك كل التقير والاحترام ابنى العزيز
على فكره عندى ابنى محمد 18 سنة يعنى انت تعتبر ابنى ودا يشرفنى جداً ويسعدنى
| |
|
عدنان احمد
عضو نشيط
عدد الرسائل : 69
العمر : 35
مزاجي :
المهنه :
عالم دولتي :
تاريخ التسجيل : 08/04/2008
| | موضوع: رد: هما مين و احنا مين للشاعر الكبير احمد فؤاد نجم الجمعة أبريل 25, 2008 5:03 pm | |
|
كم اسعدتني جدا تلك الصفات التي قلتيها فشكرا لك سيدتي
و بارك الله في ولدك و في عمره
و انا فعلا كنت اعتبر نفسي احد ابنائك
و لكنك زدتني كرما و شرفا و قلتيها صراح
فشكرا جزيلا على هذا الكلام الرقيق سيدتي
| |
|
